हिरडा Hirada

हिरडा हे एका झाडाचे फळ आहे. हे फळ सुकले की, झाडावरून गळून खाली पडते. ह्याचा रंग पिवळसर असतो. आयुर्वेदामध्ये हा बाळहरडा एक बहुगुणी औषध म्हणून समजले जाते. शौचाला कुठलाही त्रास न होता साफ करणारे हे फळ आहे. आवेच्या जंतूंमुळे शौचावाटे रक्त पडत असेल, तर ह्या बाळहरड्याचा उपयोग होतो. पुष्कळ वेळा काही कारणाने झालेला खोकला बराच काळ बरा होत नाही. ह्याला जीर्ण खोकला म्हणतात. त्यावरही बाळहरड्याचा उपयोग होतो. डोळ्यांच्या दुखण्यांसाठीही हा बाळहरडा गुणकारी आहे. ह्या अशा नाना प्रकारच्या गुणांमुळे त्याचा बाळगुटीत समावेश करण्यात आलेला आहे.